تاباق اوروجو توتماقدان بیر خاطیره
(ذکیه ذوالفقاری)

7-8 یاشیم اولاندا آنام منی اوروج توتماق مشقی اولسون دییه اوباشدان‌دا اویاتدی ، دئدی:

- ایندی کامیل یئ صاباح تاباق اوروجو توت. من ده سئوینجک  چوخ بویوکلوک حیسی‌ایله دوروب دویونجا یئییب ایچدیم .عجیب بیر حالدایدیم هم قورخوردوم آج‌لیق سوسوزلوق‌دان ,همده بؤیومه‌ییمه تلسیردیم. او‌ زمان اوروجلوق یای‌ین ایستی گون‌لرینه توشموشدو و اورج توتماق هامییا چوخ زور گلیردی هله قالسین منیم کیمی ضعیف اوشاغا...

سحر یئریمدن دوراندا خاص غرورلا دوردوم . آغزیمدا کی توپورجک‌لریمی‌ده اوتموردوم و تئز - تئز الیمی آغزیما قویوب دوداقلاریمی دا یوموردوم کی بیردن اوروجوم باطیل اولار...
ناهار واختی سوووشدو هئچ کیمین یادیندا اولمادی منی یئدیرتسین.حال‌سیز بیر گوشه ده یاتمیشدیم...بیردن طاقتیم قورتولدو ، باشلادیم هونگورتویله آغلاماغا .آنام آتام ییغیشدی باشیما نولوب آی قیز ؟
من ده امان وئرمه‌دن آغلاییرام. آخیرده ایچیمی چالا-چالا دئدیم من چوخ آنلامادیم اوروج توتدوم ، بیرده من اوروج توتارام !!